పదియవ అధ్యాయము - విభూతి యోగము

                      ॥ఓం శ్రీపరమాత్మనే నమః॥

    పదియవ అధ్యాయము - విభూతియోగము

                      శ్రీభగవాన్ ఉవాచ

భూయ ఏవ మహాబాహో శృణు మే పరమం వచః ।

యత్తే2హం ప్రీయమాణాయ వక్ష్యామి హితకామ్యయా ॥1॥

న మే విదుః సురగణాః ప్రభవం న మహర్షయః ।

అహమాదిర్హి దేవానాం మహర్షీణాం చ సర్వశః   ॥2॥

యో మామజమనాదిం చ వేత్తి లోకమహేశ్వరమ్ ।

అసమ్మూఢః స మర్త్యేషు సర్వపాపైః ప్రముచ్యతే ॥3॥

బుద్ధిర్ ఙ్ఞానమసమ్మోహః క్షమా సత్యం దమః శమః।

సుఖం దుఃఖం భవో2భావో భయం చాభయమేవ చ॥4॥

అహింసా సమతా తుష్టిః తపో దానం యశో2యశః।

భవంతి భావా భూతానాం మత్త ఏవ పృథగ్విధాః ॥5॥

మహర్షయః సప్త పూర్వే చత్వారో మనవస్తథా ।

మద్భావా మానసా జాతా యేషాం లోక ఇమాః ప్రజాః ॥6॥

ఏతాం విభూతిం యోగం చ మమ యో వేత్తి తత్త్వతః।

సో2వికంపేన యోగేన యుజ్యతే నాత్ర సంశయః॥7॥

అహం సర్వస్య ప్రభవో మత్తః సర్వం ప్రవర్తతే।

ఇతి మత్తా భజంతే మాం బుధా భావసమన్వితాః॥8॥

మచ్చిత్తా మద్గతప్రాణా బోధయంతః పరస్పరమ్।

కథయంతశ్చ మాం నిత్యం తుష్యంతి చ రమంతి చ॥9॥

తేషాం సతతయుక్తానాం భజతాం ప్రీతిపూర్వకమ్।

దదామి బుద్ధియోగం తం యేన మూముపయాంతి తే॥10॥

తేషామేవానుకంపార్థమ్ అహమజ్ఞానజం తమః।

నాశయామ్యాత్మభావస్థో ఙ్ఞానదీపేన భాస్వతా ॥11॥

                                                            అర్జున ఉవాచ

పరం బ్రహ్మ పరం ధామ పవిత్రం పరమం భవాన్।

పురుషం శాశ్వతం దివ్యమ్ ఆదిదేవమజం విభుమ్ ॥12॥

ఆహుస్త్వామ్ ఋషయః సర్వే దేవర్షిర్నారదస్తథా ।

అసితో దేవలో వ్యాసః స్వయం చైవ బ్రవీషి మే ॥13॥

సర్వమేతదృతం మన్యే యన్మాం వదసి కేశవ ।

న హి తే భగవన్ వ్యక్తిం విదుర్దేవా న దానవాః ॥14॥

స్వయమేవాత్మనాత్మానం వేత్థ త్వం పురుషోత్తమ ।

భూతభావన   భూతేశ   దేవదేవ   జగత్పతే   ॥15॥

వక్తుమర్హస్యశేషేణ    దివ్యాహ్యాత్మవిభూతయః   ।

యాభిర్విభూతిభిర్లోకాన్ ఇమాంస్త్వం వ్యాప్య తిష్ఠసి॥16॥

కథం విధ్యామహం యోగిన్ త్వాం సదా పరిచింతయన్ ।

కేసు కేషు చ భావేషు చింత్యో2సి భగవన్ మయా ॥17॥

విస్తరేణాత్మనో యోగం విభూతిం చ జనార్దన ।

భూయః కథయ తృప్తిర్హి శృణ్వతో నాస్తి మే2మృతమ్॥18॥

                          శ్రీభగవాన్ ఉవాచ

హంత తే కథయిష్యామి దివ్యా హ్యాత్మవిభూతయః ।

ప్రాధాన్యతః కురుశ్రేష్ఠ నాస్త్యంతో విస్తరస్య మే ॥19॥

అహమాత్మా గుడాకేశ సర్వభూతాశయస్థితః ।

అహమాదిశ్చ మధ్యం చ భూతానామంత ఏవ చ ॥20॥

ఆదిత్యానామహం విష్ణుః జ్యోతిషాం రవిరంశుమాన్ ।

మరీచిర్మరుతామస్మి నక్షత్రాణామహం శశీ ॥21॥

వేదానాం సామవేదో2స్మి దేవానామస్మి వాసవః ।

ఇంద్రియాణాం మనశ్చాస్మి భూతానామస్మి చేతనా ॥22॥

రుద్రాణాం శంకరశ్చాస్మి విత్తేశో యక్షరక్షసామ్ ।

వసూనాం పావకశ్చాస్మి మేరుః శిఖరిణామహమ్ ॥23॥

పురోశధసాం చ ముఖ్యం మాం విద్ధి పార్థ బృహస్పతిమ్ ।

సేనానీనామహం స్కందః సరసామస్మి సాగరః॥24॥

మహర్షీణాం భృగురహం గిరామస్మ్యేకమక్షరమ్ ।

యజ్ఞానాం జపయజ్ఞో2స్మి స్థావరాణాంహిమాలయః॥25॥

అశ్వత్థః సర్వవృక్షాణాం దేవర్షీణాం చ నారదః ।

గంధర్వాణాం చిత్రరథః సిద్ధానాం కపిలో మునిః॥26॥

ఉచ్చైఃశ్రవసమశ్వానాం విద్ధి మామమృతోద్భవమ్।

ఐరావతం గజేంద్రాణాం నరాణాం చ నరాధిపమ్ ॥27॥

ఆయుధానామహం వజ్రం ధేనూనామస్మి కామధుక్ ।

ప్రజనశ్చాస్మి కందర్ఫః సర్పాణామస్మి వాసుకిః ॥28॥

అనంతశ్చాస్మి నాగానాం వరుణో యాదసామహమ్ ।

పితౄణామర్యమా చాస్మి యమః సంయమతామహమ్ ॥29॥

ప్రహ్లాదశ్చాస్మి దైత్యానాం కాలః కలయతామహమ్।

మృగాణాం చ మృగేంద్రో2 హం వైనతేయశ్చ పక్షిణామ్ ॥30॥

పవనః పవతామస్మి రామః శస్ర్తభృతామహమ్ ।

ఝషాణాం మకరశ్చాస్మి స్రోతసామస్మి జాహ్నవీ ॥31॥

సర్గాణామాదిరంతశ్చ మధ్యం చైవాహమర్జున ।

అధ్యాత్మవిద్యా విద్యానాం వాదః ప్రవదతామహమ్॥32॥

అక్షరాణామకారో2స్మి ద్వంద్వః సామాసికస్య చ ।

అహమేవాక్షయః కాలో ధాతాహం విశ్వతోముఖః ॥33॥

మృత్యుః సర్వహరశ్చాహమ్ ఉద్భవశ్చ భవిష్యతామ్ ।

కీర్తిః శ్రీర్వాక్చ నారీణాం స్మృతిర్మేధా ధృతిః క్షమా ॥34॥

బృహత్సామ తథా సామ్నాం గాయత్రీ ఛందసామహమ్ ।

మాసానాం మార్గశీర్షో2హమ్ ఋతూనాం కుసుమాకరః॥35॥

ద్యూతం ఛలయతామస్మి తేజస్తేజస్వినామహమ్ ।

జయో2స్మి వ్యవసాయో2స్మి సత్వం సత్త్వవతామహమ్ ॥36॥

వృష్ణనాం వాసుదేవో2స్మి పాండవానాం ధనంజయః ।

మునీనామప్యహం వ్యాసః కవీనాముశనా కవిః ॥37॥

దండో దమయతామస్మి నీతిరస్మి జిగీషతామ్ ।

మౌనం చైవాస్మి గుహ్యానాం జ్ఞానం జ్ఞానవతామహమ్ ॥38॥

యచ్చాపి సర్వభూతానాం బీజం తదహమర్జున ।

న తదస్తి వినా యత్ స్యాత్ మయా భూతం చరాచరమ్ ॥39॥

నాంతో2స్తి మమ దివ్యానాం విభూతీనాం పరంతప ।

ఏష తూద్దేశతః ప్రోక్తో విభూతేర్విస్తరో మయా ॥40॥

యద్యద్విభూతిమత్ సత్వం శ్రీమదూర్జితమేవ వా ।

తత్తదేవావగచ్ఛ త్వం మమ తేజో2ంశసంభవమ్ ॥41॥

అథవా బహునైతేన కిం జ్ఞాతేన తవార్జున ।

విష్టభ్యాహమిదం కృత్స్నమ్ ఏకాంశేన స్థితో జగత్ ॥42॥

ఓం తత్సదితి శ్రీమద్భగవద్గీతాసూపనిషత్సు బ్రహ్మవిద్యాయాం యోగశాస్త్రే శ్రీకృష్ణార్జునసంవాదే 

విభూతియోగో నామ దశమో2ధ్యాయః ॥౧౦॥